Руслан Равяка

Нарадзіўся 8 кастрычніка 1975 году ў Баранавічах. Скончыў Магілёўскі тэхналагічны ўніверсітэт, паводле адукацыі — інжынер-механік абсталявання харчовай прамысловасці. 16 гадоў працаваў інжынерам на Баранавіцкім мясакансервавым камбінаце, шмат гадоў супрацоўнічаў з газетай “Наша Ніва”. Цяпер працуе журналістам у баранавіцкім незалежным тыднёвіку “Intex-Press”. Жыве ў Баранавічах.

На беларускую мову пераклаў апавяданні Станіслава Лема “Уранавыя вушы” і Вітальда Вірпшы “Смецце”. Разам з Уладзем Маруцікам пераклаў творы Сяргея Пясецкага “Каханак Вялікай Мядзведзіцы” і “Жыццё раззброенага чалавека”, але пераклады гэтыя пакуль не выдадзеныя.